Posts

Showing posts from August, 2023

184. VEVA MŨTHEŨ WA MWĨAĨI

 VEVA MŨTHEŨ WA MWĨAĨI (Thy holy spirit, lord alone) 1. Veva mũtheu wa Mwĩaĩi,  Ũthyũũe ngoo sitũ Vinya waku nũtonya vyũ,  Kũthesya ngoo sitũ,  Ĩĩ, ame veva mũtheu,  Ĩkala naitũ,  Ũtũthesye, nĩtweteleete,  Tusũwe nĩ vinya.  2. veva mũtheu wa Mwĩaĩi,  Ũtwongele vinya Vinya waku nthĩnĩ wa ngoo,  Woneke nthĩ yonthe.  3. Veva mũtheu wa Mwĩaĩi,  ĩyonanye kwitũ Na wasya wa ndeto syaku Ũsinde satanĩ.  4. Veva mũtheu wa Ngai Twĩ vata naku yu,  Ũũ nĩw'o ithyĩ tweteele,  Ũthesye ngoo sitũ.  (Amen)

185. AME MŨTANGĨĨI

 AME MŨTANGĨĨI (Send the fire) 1. Ame mũtangĩĩi we ũtheasya Mwaki wakũ tũetee,  Mũthĩnzĩo waku ũtwonoesye,  Mwaki wakũ ũtũetee,  Ũtusũsye na veva mũtheu,  Tusũwe ithyonthe nĩ vinya waku,  Mwaki waku tũetee.  2. Wasũngĩie Eliya tene Mwaki waku ũtũetee,  Ũtwĩthukĩĩsye ame yeova,  Mwaki waku tũetee,  Ũthũku witũ ũvũvw’e wonthe Na kyeni kyaku kĩkene kw’onthe.  Nĩ kyambĩlĩlye na ithyonthe Mwaki waku tũetee.  3. Twĩenda mwaki nĩtũkwĩsũva,  Mwaki waku tũetee,  Tũtikethĩwa na mawendi maitũ,  Mwaki waku tũetee,  Twĩkae maũndũ ma ũlũngalu,  Natwĩvathane na maũndũ ma nthĩ,  Mwĩkalo witũ wĩthĩwe mũseo,  Mwaki waku tũetee.  (Amen)

186. AME VEVA WA ĨTUNĨ,

 AME VEVA WA ĨTUNĨ,  (Spirit divine attend our prayers) 1. Ame veva wa ĩtunĩ,  Ũka kwitũ oyu,  Ũseũvye wĩkalo waku,  Nthĩnĩ wa ĩkanisa 2. We ta kyeni ũmulĩke,  Maũthũku maitũ Tũtongoesye nzĩanĩ,  Sya ũlũngalu waku.  3. Ũka ta mwaki ũvĩvye,  Naĩ sitũ syĩthwe nthembo Kwa mũtũtangĩĩi.  4. Nue ĩmwe ya ũathimo,  Tũathime oyu,  Nĩkana ngoo ĩla nyũmũ,  Yĩthwe na ũathimo.  5. Theea ĩkanisa kũũ nthĩ,  Yĩathimĩke vyũ,  Otondũ kũya ĩtunĩ,  Kũathimĩkĩte.  (Amen)

187. TAVANYAI KŨŨ

 TAVANYAI KŨŨ (The comforter has come) 1. Tavan’yai kũũ kwonthe,  O mbaĩnĩ syonthe: O andũnĩ onthe o kwa kĩla ũmwe,  Ala mwathaiw’e tavan’yai mwasye Veva nĩwokie.  Nake Veva Mũtheu nĩwookie kũũ nthĩ,  Kuma kũu ĩtunĩ tondũ kwathanĩtwe,  Tavanyai kũũ kwonthe o kwa kĩla ũmwe; Veva nĩwookie.  2. Kwaĩ kĩĩo o kĩnene o na w’ia mwingĩ; ũtukũ ũmwe kũikya kwĩ kũtheu,  Kyeva na kĩmako nĩsyathelile vyũ: Yĩla we wookie.  3. Nake nĩ mũiti wa ngoo ila mbonzũ,  Wa ngoo i syovetwe nũtonya kwithasya Kwa ũu nĩ tũtonya kwina na ndaĩa,  Veva nĩwookie.  4. Nake nĩwookie nĩ kana onan’ye,  Wendo wa Ngai asa kwa ala mamwosete; Kwaũũ nĩtũkwona wendo wa Ngai Asa,  Veva nĩwookie.  (Amen)

188. YESŨ NĨ MŨNYANYA WAKWA

 YESŨ NĨ MŨNYANYA WAKWA (What a friend we have in Jesus) 1. Yesũ nĩ mũnyanya wakwa Nakwa nĩ mũnyanyae,  Kĩla saa nĩtũendanasya,  Nyie na ũla Mũtangĩĩi.  Myũnthĩ yonthe we nũmbĩkaa Nesa mũno na ĩnee,  Nakwa nĩngũmwĩthukĩĩsya.  Ngĩkala vamwe nake.  2. Nyie na Yesũ, Mwĩaĩi wakwa,  Nĩtwatumie ndũũ: N’oyu nĩtũvotanĩte,  ĩĩ, twĩ na mũamba wa ngoo.  Mĩio yakwa we nũmbaũaa,  Na nũndaanĩsyaa na woo; Ambona nyie nĩ mũvinyu,  Nĩ w’o, nũnũũmbuũkya ngoo.  3. Yesũ e vakuvĩ nakwa,  Kũla ngũthi, kĩla saa.  Nzĩa ya w’o we nũmbathaa,  Nake nũndongoesyaa Na ngĩkala kĩvindunĩ,  Ndeto syake nĩsyo taa; Ngĩlingĩlwa nĩ matatwa,  ũndũ wake ndiemwa.  (Amen)

189. GOONĨ YAKWA NĨVO VE MŨYO

 GOONĨ YAKWA NĨVO VE MŨYO (i am so glad that our father in heaven) 1. Ngoonĩ Ĩ yakwa nĩvo ve mũyo,  Nĩkwĩthwa Ngai nũmbonete ũvoo Nĩwaandĩkie ndetonĩ syake,  Ũvoo wa wendo wa mwana wake.  Yesũ e wendo mũnene vyũ,  Nĩwambendaa, na nũmbendaa,  Yesũ e wendo mũnene vyũ Na nũmbendete nyie.  2. Ti atĩ nyie nĩnamwendaa Yesũ,  Aiee, kũũ nthĩ vati wendo ta ũũ,  Yĩla nekalĩte mawathenĩ,  Nĩw’o Yesũ nĩwambendie nyie.   3. Eth’wa nĩngũtia nzĩa yake,  Ndakolwa ninyĩe nũmbendaa,  Nĩwe mũĩthi wakwa mũseo,  Na akandũnga nzĩanĩ yake.   4. Eth'wa ngolwa nĩ maũndũ onthe,  Yĩla ngavik’ũsumbĩnĩ wake,  Tene na tene nyie ngamanya ũũ: Nyie nĩnendetwe nĩ Mwĩaĩi Yesũ.  (Amen)

190. ĨĨ MWĨAĨI YESŨ WAKW’IE

ĨĨ MWĨAĨI YESŨ WAKW’IE (I ’m not ashamed to own my lord) 1. Ĩĩ Mwĩaĩi Yesũ wakwie,  Wovosye andũ vyũ,  Nthakame yakũ nĩtonya Kũnthesya ngoo yakwa.  Ĩĩ nĩw’o, ĩĩ nĩw'o , ngelany'onĩ ya Yesũ,  Naekewe wathe wakwa wonthe,  Nĩngũkwata na ngoo ndeto sya Yesũ,  Nakwa nĩngũtana na ngoo mũno.  2. Nĩngwenda ndeto ii sya Ngai,  Inzeũvye ngoo yakwa; Nĩmena kwĩka mawathe,  Membata ũvoo wa Ngai.  3. ĩĩ andũ onthe ĩw'ai ũũ,  Na mũlilikanei,  mwalea ndeto sya Yesũ Mũtikatangĩĩwa.  (Amen)

191. KWAĨ MŨTHENYA WAĨ NA MŨYO

 KWAĨ MŨTHENYA WAĨ NA MŨYO (O happy day, that fixed my choice) 1. Kwaĩ mũthenya waĩ na mũyo,  Ũla namwosie Yesũ,  Mũtangĩĩi, na Ngai wakwa,  Andũ onthe ĩw'ai yu.  Ũtanu ĩĩ mũno, nĩndangĩĩwe,  Nĩ Yesũ yu,  Nũmanyĩasya kũvoya,  Nĩ mũtanu ngoonĩ yakwa,  Ũtanu, ĩĩ mũno, nĩndangĩĩwe Nĩ Yesũ yu.  2. Nĩngwenda angĩ mamanye ,  Ũtangĩĩo wa Ngai wakwa,  Yesũ akw'ĩĩe mũtĩnĩ Nĩ kana nyie nĩtangĩĩwe.  3. Ngoo yakwa nĩyusũĩte Ndaĩa na wendo wa Yesũ,  Yesũ nĩ Mwĩaĩi wakwa vyũ,  Ndĩnyuva nzĩa yakwa yu.  4. Ĩĩ, ndongoeasya, Ngai wakwa Ngakũvikĩla na mũyo: Mĩthenya yonthe nĩ thayũ Ngakũtaĩa, mũmbovosya.  (Amen)

192. NĨ WAKU YESŨ

 NĨ WAKU YESŨ (I am thine, o lord) 1. Nĩ waku Yesũ; wasya wakũ yu,  Nũmbonetye wendo waku.  Nĩngwenda mũno ngwĩtĩkĩle vyũ; Ngusya nũke vala ũĩ.  Yesũ ngusya nũke vala ũĩ,  Nĩmanye kĩkwũ kyaku,  Yesũ, ngusya nũke vakuvĩ naku,  Nũke ũtheunĩ waku.  2. Ũnenge vinya ndethasye wĩa Wa kũkũthũkũma Ngai,  Nĩkae o ũndu ũkwenda nĩkae,  Na ndũae ngwĩkwatĩtye.  3. Nĩngwĩw’a mũyo yĩla ngũvoya,  Yĩla nĩtulĩtye ndu,  Nũndũ yu nĩw’o ngũneena naku,  Nĩwĩw’e wasya waku.  4. Wendo waku nĩ mũnene mũno,  Na twavika ĩtunĩ Tũkatana vyũ, na kũkũtaĩa,  Tũkathũmũa ithyĩ.  (Amen)

193. YESŨ NĨNGWENDETE

 YESŨ NĨNGWENDETE (My Jesus I love thee) 1. Yesũ nĩngwendete, Mũtangĩĩi wakwa,  Mawendi mathũku ndimenda nongi,  We Mwovosya wakwa, nzũvĩa kwamo.  Ndĩkakengwe nĩmo, nĩ thayũ kũkũ nthĩ.  Ĩĩ, kwa wendo waku Ũnenge kũkĩlya mathũkũ onthe vyũ.  2. Yesũ wusũĩte nĩ wendo mũno,  Nũndũ wambendĩe, nĩ mwathe; Na nthakame yaku yanthesya nyie vyũ,  Na yuyu nĩngwenda kũkũvĩtũkya mbee.  3. Na yĩla wambiwe mũkelanyonĩ Nthakame yetĩka-nĩ nthembo kwakwa,  Na yũ ndi vata kũthemba ĩngĩ,  Nũndũ nthembo yakũ nĩmbĩanĩe vyũ.  4. Yesũ, watũkwĩĩe o ta mũndũ ngya,  Watiie ũsumbĩ na ĩthe waku,  Watheeie kũũ nthĩ ũthĩne ta mũndũ,  Nĩ kana naitũ twose ũthwii waku.  5. Wĩkalo mũseo nũseũvĩtye,  Wĩ kũya kwa Ngai mũsyĩnĩ mũnene Naw’o ũkekalaa ala atheũ ngoo,  Mendete kũthew’a nĩ veva mũtheu.   (Amen)

194. NGELANYONĨ YA YESŨ KLĨSTO

 NGELANYONĨ YA YESŨ KLĨSTO (in the cross of Christ I glory) 1. Ngelany'onĩ ya Yesũ Klĩsto,  Ngeekathĩĩa nyie mũno,  Nayo nthĩ nĩyambĩtwe kwakwa,  Na nĩnambĩtwe kwayo.  2. Nthembo nyingĩ nĩsyamanthiwe N’andũ onthe kũkũ nthĩ,  Nthembo ĩmwe yĩ na ũtonyi,  Nĩyo Yesũ, Mũtangĩĩi.  3. Mawoonĩ na mathĩnanĩ,  N’ũtanunĩ o naw’o,  Twĩ na wĩtĩkĩlo mũseo,  Ngelanyonĩ ya Yesũ.  4. Ngelanyonĩ ya Yesũ Klĩsto,  Nĩtwambĩtwe kwa Ĩ ĩnthĩ,  Thayũ witũ yu nĩ wa Yesũ,  Syũmbe nzaũ nĩsyo ithyĩ.  (Amen)

195. NGOONĨ YAKWA

 NGOONĨ YAKWA (I love him) 1. Ngoonĩ yakwa ndĩ na ũndũ na nthĩ,  Na naĩ syakwa nĩnaekewe vyũ,  Kwondũ wa teĩ wa Yesũ nĩnĩsĩ Nthakame yake nĩntheasya ta ĩa,  Nĩmwendaa, nĩmwendaa,  Nũndũ ambendaa mbee,  Na nĩwanengĩe ũtangĩĩo Kaivalĩ.  2. Tene nĩnekalile naĩnĩ,  O na naĩ ngombo, ndesĩ wa kwĩkaa,  Na nĩnakĩie kũĩkĩĩa Ngai,  Yu nthakame ya Yesũ nĩnthambĩtye vyũ.  3. Naĩ mwove vyũ, nayũ nĩnthaĩtwe Ndyaĩ na metho, ĩndĩ nĩngwona yu Naĩ mũkwũ Yesũ ane thayũ,  Nĩtavye nthĩ ũvoo wa mũũo ũnengae.  (Amen)

196. NĨNA WATHĨ NENDAA KWINA

 NĨNA WATHĨ NENDAA KWINA (Since I have been redeemed) 1. Nĩna wathi nendaa kwina,  Kuma natangĩĩwa,  Wa kũmũkatha Mũtangĩĩi,  Kuma natangĩĩwa.  Kuma nyie natangĩĩwa,  Kuma nyie natangĩĩwa,  Nĩ ndaĩa syĩtwa yake,  Kuma nyie natangĩĩwa,  Nĩ ndaĩa syĩtwa ya Mũtangĩĩi.  2. Nĩna Yesũ wakũnzũvĩaa,  Kuma natangĩĩwa,  Na nĩngwĩw’a kwenda kwake,  Kuma natangĩĩwa 3. Nĩna ũkũsĩ wawo ki,  Kuma natangĩĩwa Kwondũ wa nthakame yake,  Kuma natangĩĩwa.  4. Nĩna ũtanu mũnene Kuma natangĩĩwa,  Kwondũ wa nthakame yake,  Kuma natangĩĩwa.  5. Nĩnakĩwe mũsyĩ mũtheu,  Kuma natangĩĩwa,  Ngekalaa vo tene w’onthe,  Kuma natangĩĩwa.  (Amen)

197. MWĨAĨI WĨKWATYO WAKWA

 MWĨAĨI WĨKWATYO WAKWA (Close to thee) 1. Mwĩaĩi wĩkwatyo wakwa,  Mwĩaĩi mũnyanyawa,  Kyalonĩ kyakwa kũũ nthĩ,  Ngaendanasya nakũ.  Nĩnaku, nĩnaku,  Nĩnaku, nĩnaku,  Kyalonĩ kyakwa kũũ nthĩ ,  Ngaendanasya naku.   2. Ndĩkwenda ũthwii wa nthĩ,  Ndĩkethwe na ndaĩaa,  Kavaa nĩthwe na thĩna,  Oũndũ we watilyĩ.  3. Ndongoeasya kyalonĩ,  Tũendanasye ũngwete,  Ndonyeleele nĩnaku,  Mũomonĩ wa ĩtunĩ.  (Amen)

198. THAYŨ WAKWA WONTHE

 THAYŨ WAKWA WONTHE (Must I go and empty handed?) 1. Thayũ wakwa w'onthe kũũ nthĩ,  Ũkathela mana vyũ,  Ethwa ndiũmanya Yesũ,  Mũtangĩĩi wa ithyĩ andũ Yesũ Klĩsto nĩwakw'ie,  Nĩwe Mũtangĩĩi wa andũ,  Ĩndĩ malea kũmanya,  Thayũ woo nĩ mana vyũ.  2. Nĩnĩtĩkĩlĩte Yesũ Yu nĩ Mwĩaĩi wakwa,  Na nĩnĩsĩ ngathi nake,  Thayũ ũũ wathela kũũ.  3. Nyie nĩngwenda kwona ĩtuvi,  Navika ĩũlũ kwake,  Ndikanange thayũ wakwa,  Nde wĩanĩ ũũ wake.  4. Wĩa wake nĩ mũseo,  ĩtuvi nĩ ĩnene mbee,  Ngeew’a ata yu namwona,  Ndatethetye wĩa kũũ.  (Amen)

199. KYENI KĨKENU NGOONĨ

 KYENI KĨKENU NGOONĨ (Bright light in my heart) 1. Kyeni kĩkenu ngoonĩ yakwa,  Nĩngwenda kĩkenae,  Kyeni kĩkenu ngoonĩ yakwa Nĩngwenda kĩkenae, kĩkenae,  Kĩkenae, kĩkenae.  2. Na ndikatata kũkĩvitha,  Nĩngwenda kĩkenae,  Na ndikatata kũkĩvitha.  3. Kĩtikavow’a nĩ satani,  Nĩngwenda kĩkenae,  Kĩtikavow’a nĩ satani. 4. Nĩngwenda kĩkenae vala nĩĩ,  Nĩngwenda kĩkenae,  Nĩngwenda kĩkenae vala nĩĩ.  5. Nakyo kĩkenae nthĩ yonthe,  Nĩngwenda kĩkenae,  Nakyo kĩkenae nthĩ yonthe.  6. kĩkene nginya Yesũ oke,  Nĩngwenda kĩkenae,  Kĩkene nginya Yesũ oke.  (Amen)

200. YĨLA NGOO YAKWA

 YĨLA NGOO YAKWA (I shall see him by and by) 1. Yĩla ngoo yakwa yĩna kĩmako,  Ngoomĩsya mathĩna ma thayũ wakwa,  Mũthenya nĩwũkĩte mawĩmakĩo mathele,  Nĩngamwona nĩngamwona mũndangĩĩi.  Nĩngamwona mũndangĩĩi,  Ngoo yakwa kwata vinya,  Nĩngamwona nĩmũkathae,  Nginya tene na tene(tene wonthe) 2. Nzĩa yĩ nthũku na yethwa nyũmũ,  Ona nyaĩĩ syakwa syanow'a nĩyo,  Nĩngwĩvinyĩlĩĩlya ngina wathi wa wĩkwatyo,  Nĩngamwona nĩngamwona mũndangĩĩi.  3. Yĩla mũthenya wĩya kĩvindu,  Matu makĩvwĩka kyeni kya syũa,  Kwetha ‘ta ngethwa nake vo mũndongoesya,  Nĩngamwona nĩngamwona mũndangĩĩi.  4. Ngoo yakwa tana wĩthwe na ũkũmbaũ,  Nũndũ matho make matialyũkaa,  Na kwa mathĩna onthe nĩnganengwa ĩtuvi,  Na mwona mũtangĩĩi wakwa,  (Amen)

201. YESŨ AMBONIE

 YESŨ AMBONIE (Whisp’ring in my heart) 1. Yesũ ambonie nĩ kũasa nĩmwau,  Kwa wendo ambonya nzĩa ya kyeni,  Ndeto syake syambeteie wia vyũ,  Kwaĩ ũtanu mwingĩ ngĩmwĩw’a ngoonĩ Nĩna mũyo ngoonĩ yakwa yu,  Nũndavasya ndeto sya wendo,  Ndikwenda kwĩw’a mawasya ma kũmbathũkya,  Nĩna mũyo ngĩmwĩw’a ngoonĩ yakwa yu.  2. Yĩla ngũtatwa nũkũngiakisya ũu,  Eka kũkĩa e vakuvĩ naku,  Na mathĩna mooka Yesũ nũvetaa,  Nĩngũtana ngĩmwĩw’a ngoonĩ yakwa.  3. Nũkũwĩw’a wasya wa mũtangĩĩi,  Nũkũkwĩta ũtie nzĩa ya naĩ,  Nũkũkũnenga mũuo wake mana,  Mwĩkaĩle yu na nũkũtangĩĩwa.  (Amen)

202. NĨ MWOVOSYA ŨLA WANGWĨĨE

 NĨ MWOVOSYA ŨLA WANGWĨĨE (Verily, verily) 1. Nĩ Mwovosya ũla wangwĩĩe, nyie,  Anthasya kuma ũsilĩlonĩ,  Ũla ũmwĩtĩkĩlaa we easya ,  Ena thayũ mweũ.  Ĩĩ, nĩw'o, ĩĩ, nĩw'o nĩngũmũtavya,  Ĩĩ nĩwo, ĩĩ nĩw'o nĩ ũvoo mweũ,  Ũla wĩtĩkĩlaa mwana naw'o,  Ena thayũ mweũ.  2. Mothũku makwa nĩmamwĩliĩle,  Nĩwaĩvie mathiĩ makwa,  Onthe ala mamwĩtĩkĩlaa,  Mena thayũ mweũ.  3. Ona na ngya, nĩ mwonzũ, nĩna-naĩ,  Nĩngũmĩtĩkĩla ndeto yake,  Nĩ ũvoo waw’o na wa ũtanu,  Wĩna thayũ ũtathela.  4. Kwa onthe ala mate atheũ,  Mo mooka kwake ndakamekya-nza,  Na ũla wĩtĩkĩlaa ũvoo ũũ,  Ena thayũ mweũ.  (Amen)

203. NDYĨSĨ MUMO WA NGAI

 NDYĨSĨ MUMO WA NGAI (I know whom I have believed) 1. Ndyĩsĩ mumo wa Ngai ũseng'yo ,  Ũndũ wambĩkie nyie,  Ona nĩ mũvuku mũno ta ũũ,  Nĩwandwĩkĩthisye wake Nĩnĩmwĩsĩ ũwandangĩĩe,  Nĩnĩtavaw’a kana nũtonya,  Kwia w'onthe ũneekie,  Ona wa kĩla mũthenya.  2. Ndyĩsĩ ũndũ weekĩe mũĩkĩo,  Wa ũtangĩĩo wake kwakwa,  Ona neetĩkĩla ndeto yake,  Yasumbĩka ngoonĩ yakwa.  3. Ndyĩsĩ ũndũ veva ũtavasya,  Ala onthe me naĩnĩ,  Na kũvuanya ndeto sya yesũ,  Na kũmũkũsĩĩa kwamo.  4. Ndyĩsĩ ũseo kana ũthũku,  Ũla ũkangĩtĩkĩa,  Ũndũ wa meko makwa vava nthĩ,  Nawona ũthyũ wa Mwĩaĩi.  5. Ndyĩsĩ yĩla Mwĩaĩi ũnũkũka,  Ndyĩsĩ nata kana nĩva,  Kana nĩngavĩtũka kĩkw’ũnĩ,  Tũkomanĩe yayayanĩ.  (Amen)

204. MWOVOSYA NŨNENAA NAKWA

 MWOVOSYA NŨNENAA NAKWA (I know his voice) 1. Mwovosya nũnenaa nakwa,  Ona vala ndĩmwonaa nyie,  Kuma yĩla namwosie Nĩnĩsĩ wasya wake nyie.  Nĩnĩwĩsĩ wasya wake,  Yĩla ngwĩw’a wasya ũsu,  Nũndanasya ngoonĩ yakwa,  Nĩnĩwĩsĩ wasya wake(wasya wake) 2. Nĩndonya kwĩw’a wasya tũ,  Vate kwona ũthyũ wake,  Katĩ wa mawĩa make,  Ala watethisye tene.  3. Na andavasya moseo,  Ma kũya kwake ĩtunĩ; Ma wendo, mũuo , ũtanu,  Na ũndũ wa mũsyĩ wake.  4. Andũ ma nthĩ matiwĩsĩ,  Wasya wa Mwovosya Yesũ,  No etĩkĩli a maw’o,  Matonya kwĩw'a wasaya ũũ.  (Amen)

205. NĨ WASYA WA MŨMO ŨKWĨTANA

 NĨ WASYA WA MŨMO ŨKWĨTANA (To Jesus I will go) 1. Nĩ wasya wa mumo ũkwĩtana,  Nĩngũwĩw’a ũkĩmbĩta mũno,  Ngoonĩ yakwa nĩthwe nĩ mwĩw’i vyũ Ndikamũtia Mwovosya wakwa,  Ĩĩ nĩngũthi, ĩĩ nĩngũthi,  Kwa Yesũ nĩngũthi novow’e,  Ĩĩ nĩngũthi, ĩĩ nĩngũthi,  Kwa Yesũ nĩngũthi novow'e .  2. Nĩwandekeie naĩ syakwa vyũ,  Na nĩnaĩlwe nĩkũmũĩkĩĩa,  Maandĩko make matheu nĩlũmye,  Ndĩkamũtia Mwovosya wakwa.  3. Nĩngũwĩw’a ũkĩmbĩta mũno,  Nĩlũlũmĩlye kũvika kũkw’a,  Ngĩenda katĩ waw'o wa Mwĩaĩi.  Ngekĩa ngovia ya ũsumbĩ 4. Nĩngũwĩw’a wasya wa Mwĩaĩi,  Nĩngwĩw'a ũkĩtana mbee na mbee,  Nayo ngoo yakwa nĩmbũnĩthye yu,  Ndikamũtia Mwovosya wakwa.  (Amen)

206. MĨOMO ĨKAVINGŨWA

 MĨOMO ĨKAVINGŨWA (I shall be no stranger there) 1. Mĩomo ĩkavingũwa kwa ũsu watangĩĩwe,  Kwa mumo ũtathimĩka ngawona ũthyũ wake,  Nalika mũsyĩ mũtheu, mũtisu, mwanakavye,  Ngathokwa na mũyo mwingĩ, ndĩkethwa nĩ mũeni.  Ndĩkethwa, nĩ mũeni,  Nĩnzeũvĩw'e wĩkalo,  Akambĩsĩa, Mwĩaĩi Yesũ,  Ndĩkethĩwa nĩ mũeni.  2. Mavinda makĩalyũka, nĩngwĩlũmya nĩsinde,  Nĩ mũsyĩ wa thayũ wakwa, nĩ mũsyĩ wa ngoo yakwa,  Onthe nĩ mendete mũno, mũsyĩ ũsu mwanakavye,  Nambata mũsyĩ mũtheu, ndĩkethĩwa nĩ mũeni.  3. Katena Mwovosya wakwa, ekalaa mũsyĩ ũsu,  Na malanga ma matonya, eevũthya nũndũ wakwa,  Kwĩ thĩna ona kĩmeto, mũsisyei we weka tũ,  Kana ka Ngai lilikana, ndũkethwa mũeni vo.  (Amen)

207. KWĨNA KYENI KĨATHIME

 KWĨNA KYENI KĨATHIME (Let us walk in the light) 1. Kwĩna kyeni kĩathime,  Nakyo kyumaa kwa ngai,  Ona ũthyũ wa Yesũ,  Nũkwonany’a asa Ngai.  Tũkinyae, tũkinyae,  Tũkinyae kyeninĩ kya Ngai,  Tũkinyae kyeninĩ Tũkinyae kyeninĩ kya Ngai .  2. Kwĩna kyeni kya ũsengya,  Kĩtũmulĩkaa kũũ,  Kĩna ũtisu mũnene,  Tene ona tene.  3. Kwĩna kyeni kĩtheũ,  Kũte syũa na mwei,  Ona ndata sya ĩtunĩ,  Kĩla kĩmulĩkaa.  4. Kwĩna mũsyĩ mũtheu,  Wakĩtwe ĩtunĩ,  Wĩna mĩomo ya thaavu,  Na syĩndũ nzeo vyũ.  5. Kwĩna kyeni kĩathime,  Kyanewe andũ mana,  Ngai nĩwe kyenĩ kya andũ.  Tũtwae ĩtunĩ.  (Amen)

208. NĨNATANGĨĨWE NĨ YESŨ

 NĨNATANGĨĨWE NĨ YESŨ (I have a savior. He’s Jesus pleading) 1. Nĩnatangĩĩwe nĩ Yesũ, mwendwa wakwa; Vati mũndũ kũũ nthĩ wĩ wendo wake,  Nĩwakw’ĩĩe tene mũtĩnĩ nũndũ witũ,  Atangĩĩe andũ ala mamwosaa.  ĩĩ, nĩngũmũtavya,  Ve mwanya mũnene,  Wa ũtangĩĩwa,  Nĩ Yesũ oyu.  2. Nthĩnĩ wa Yesũ, Ngai nĩwe asa wakwa,  Na nĩwanengie maũndũ make,  Kũkeethw’a mũthenya ũketa andũ make,  Mambate ĩtunĩ mekalae nake.  3. Kũya ĩtunĩ ve nyũmba nene mũno,  Na andũ ma Yesũ makekalaa vo,  Ũthwii wake wonthe twĩnengwa nthĩnĩ wake,  Ũkai, andũ onthe, nĩmũkwĩtwa yu.  4. Mwamwosa Yesũ, tavany'ai kũndũ kw’onthe,  Ũtangĩĩo wake na wendo wake,  Matavw’a makeew’a eth'wa mũkamavoyeaa,  Syĩtwanĩ ya Yesũ, Mwovosya w'andũ.  (Amen)